ინდოეთსა და პაკისტანს შორის ვითარება ამ დრომდე დაძაბულია. მხარეები სარაკეტო თავდასხმებს განაგრძობენ.
რა ვიცით ამ დროისთვის - მივყვეთ ქრონოლოგიურად:
- ინდოეთის ხელისუფლებამ განაცხადა, რომ პაკისტანსა და პაკისტანის მიერ ადმინისტრირებულ ქაშმირზე საპასუხო დარტყმები დაიწყო მას შემდეგ, რაც გასულ თვეში ინდოეთის ადმინისტრირებულ ქაშმირში, ტურისტებზე სასიკვდილო თავდასხმა განხორციელდა;
- პაკისტანმა საჰაერო სივრცე 48 საათით ჩაკეტა - მათი საჰაერო სივრცე სამოქალაქო ბორტებისგან სრულად დაცარიელდა;
- ოფიციალური დელი აცხადებს, რომ მათი სამიზნე ცხვა ლოკაცია იყო, თუმცა არ დაურტყამს პაკისტანის სამხედრო ობიექტებისთვის;
- პაკისტანის სამხედრო ძალების მტკიცებით, დაზარალდა სამი რეგიონი. მათ რეაგირების პირობა დადეს;
- პაკისტანის ცნობით, ჩამოგდებულია ორი ინდური გამანადგურებელი;
- ინდოეთის არმია აცხადებს, რომ პაკისტანმა საპასუხო გასროლა განახორციელა და ქაშმირის გამყოფ ხაზებზე სარაკეტო სროლები დაფისქირდა;
- მედიაში ვრცელდება კადრები პაკისტანის მიერ ადმინისტრირებული ქაშმირიდან, ქალაქ მუზაფარაბადის მახლობლად, სადაც რამდენიმე ძლიერი აფეთქება ჩანს;
- პაკისტანის სამხედრო ძალები აცხადებს, რომ ინდოეთმა სამოქალაქო ტერიტორიებს დაარტყა, რის შედეგადაც ამ დროის მონაცემებით 3 ადამიანია დაღუპული, მათ შორის ბავშვი, 12 კი დაშავებული;
- პაკისტანის სამხედრო ძალების პრესსპიკერის თქმით, "ინდოეთის დარტყმებს ამ წუთებში პასუხობენ";
- ინდოეთის პოლიცია აცხადებს, რომ პაკისტანის მიერ განხორციელებული საპასუხო დარტყმების შედეგად ინდოეთის ადმინისტრირებული ქაშმირის ტერიტორიაზე ორი ქალი დაშავდა;
- ინდოეთის მიერ პაკისტანზე თავდასხმის შემდეგ, ინდოეთის ხელისუფლების წარმომადგენლები აშშ-ის სახელმწიფო მდივანს, მარკო რუბიოს ესაუბრნენ. საუბრის დეტალები უცნობია.
- მიმდინარე მოვლენებს გამოეხმაურა პრეზიდენტი დონალდ ტრამპიც: "ეს სირცხვილია, ვიმედოვნებ, რომ ყველაფერი მალე დასრულდება".
- მიმდინარე მოვლენებს ეხმაურება გაეროს გენერალური მდივანიც. როგორც ანტონიო გუტერეშის პრესსპიკერი ამბობს, "ის ინდოეთის სამხედრო ოპერაციით ძალიან შეშფოთებულია და ორივე ქვეყანას მაქსიმალური სამხედრო თავშეკავებისკენ მოუწოდებს"
-
ინდოეთის საჰაერო ძალებმა, ინდოეთის ადმინისტრირებული ქაშმირის ტერიტორიაზე, პაკისტანური JF-17-ის ტიპის ავიაგამანადგურებელი ჩამოაგდეს.
იხილეთ ასევე:
- პაკისტანი: ინდოეთმა სამოქალაქო ტერიტორიას ესროლა, დაღუპულია, სულ მცირე, 3 ადამიანი... მათ დარტყმებს ამ წუთებში ვპასუხობთ
- BBC: ინდოეთმა პაკისტანზე სარაკეტო იერიში მიიტანა; ისლამაბადი საპასუხო ქმედებით იმუქრება
შეგახსენებთ, რომ ინდოეთსა და პაკისტანს შორის ურთიერთობები მკვეთრად მას შემდეგ გაუარესდა, რაც გასულ თვეს, ქაშმირში ტურისტებზე თავდასხმა მოხდა. მომხდარის შედეგად მაშინ 26 მშვიდობიანი მოქალაქე დაიღუპა.
[მასალა განახლებადია]
