აშშ-ის ფარმაცევტული კომპანია, Pfizer და გერმანული BioNTech ამბობენ, რომ მათ მიერ შემუშავებული COVID-19-ის პოტენციური ვაქცინა 90%-ით ეფექტურია. ინფორმაციას Financial Times ავრცელებს.
ვაქცინა, რომელიც 43 000 ადამიანზე უკვე დატესტეს, ცდის მე-3 ფაზაშია - ესაა ფინალური საფეხური კომერციული ლიცენზიის მიღებამდე.
"მე ვფიქრობ, რომ ამ დროისთვის ეს ძალიან წარმატებული შედეგია, მეცნიერებასა და კაცობრიობას საუკეთესო დღე დაუდგა", - ამბობს BioNTech-ის თანადამფუძნებელი.
ვაქცინა დამატებით შემოწმებას ნოემბრის მე-3 კვირაში გაივლის. დატესტვის ფაზაშია AstraZeneca-სა და ოქსფორდის უნივერსიტეტის მიერ ერთობლივად მომზადებული პოტენციური ვაქცინაც.
