ეკონომიკის სამინისტროს ინფორმაციით, მინისტრი, ნათია თურნავა კორონავირუსისგან გამოჯანმრთელდა და ის მუშაობას ჩვეულ რეჟიმში გააგრძელებს.
შეგახსენებთ, რომ ნათია თურნავას კორონავირუსი 3 ნოემბერს დაუდასტურდა, ის მკურნალობას სახლში გადიოდა. ნათია თურნავა თვითიზოლაციაში კოვიდინფიცირებულთან კონტაქტის გამო, 2 ნოემბერს გადავიდა.
ბოლო 24 საათში საქართველოში კორონავირუსით ინფიცირების რეკორდულად მაღალი 3 473 ახალი შემთხვევა დადასტურდა, 3 342 ადამიანი გამოჯანმრთელდა, ხოლო 37 პაციენტი გარდაიცვალა.
ბოლო მონაცემებით საქართველოში:
- კორონავირუსით ინფიცირებულია - 73 154
- გამოჯანმრთელებულია - 55 511
- გარდაცვლილია - 636
- კარანტინის რეჟიმში რჩება - 2 506
- კოვიდ სასტუმროში მყოფი პირები - 3 311
- სტაციონარში მეთვალყურეობის ქვეშ - 4 918
- მათ შორის საქართველოში უცხოეთიდან სამკურნალოდ გადმოყვანილია - 41 პაციენტი.
შეგახსენებთ, რომ კორონავირუსის პირველი დადასტურებული შემთხვევა საქართველოში 26 თებერვალს გამოვლინდა.
ბოლო მონაცემებით, მსოფლიოში ინფიცირებულთა საერთო რაოდენობამ 52 მილიონს გადააჭარბა მათგან გამოჯანმრთელდა 36 მილიონზე მეტი ადამიანი და გარდაიცვალა 1,2 მილიონზე მეტი.
