ჯანდაცვის მინისტრი, ეკატერინე ტიკარაძე, საკოორდინაციო საბჭოს ბრიფინგზე ამბობს, რომ ქვეყანაში სასუნთქი აპარატების დეფიციტი არ არის.
"დღეის მდგომარეობით ჩვენ 1 040 სასუნთქი აპარატი გვაქვს. რეანიმაციული პაციენტი გვყავს 227. აქედან გამომდინარე, სასუნთქი აპარატების დეფიციტი ქვეყანაში არ არის. საჭიროების შემთხვევაში, 2 500 სასუნტქი აპარატიც გვაქვს და მოხდება მათი დამატებით მობილიზება", - ამბობს ტიკარაძე.
გარდა ამისა, ჯანდაცვის მინისტრი - ეპიდვითარებაზე საუბრისას - მაია ცქიტიშვილის მსგავსად, ვირუსის სწრაფად გავრცელებას აქციებს უკავშირებს.
ცნობისთვის, ეკატერინე ტიკარაძე ამბობს, რომ სასუნთქ აპარატებთან ერთად ამ ეტაპზე ქვეყანაში მობილიზებულია 7 363 საწოლი, საიდანაც კორონავირუსით ინფიცირებული პაციენტებისთვის 5 951-ია აქტიურად გამოყენებული.
