აჭარის მთავრობის სახლთან ხმაური და დაპირისპირება გრძელდება - პოლიციამ აქციის რამდენიმე მონაწილეც დააკავა, თუმცა მათი ზუსტი როდენობა უცნობია. 

ტერიტორიაზე სამოქალაქო მოძრაობა "იმოქმედეს" წევრებმა საჰაერო ბუშტებიც მიიტანეს, რომელზეც ეწერა "თორნიკე, ბიძინას მონა" - ბუშტები აქტივისტებმა აჭარის მთავრობის თავმჯდომარის, თორნიკე რიჟვაძის, კაბინეტთან გაუშვეს. 

ამის შემდეგ სამართალდამცველები აქციის მონაწილეებს დაუპირისპირდნენ, რა დროსაც ერთერთი ადამიანი ცუდად გახდა - სასწრაფო დახმარების მანქანამ ის რამდენიმე წუთის წინ გაიყვანა ტერიტორიიდან. 

"რიჟვაძეს ჰგონია, რომ მარტივად შერჩება ხმების მოპარვა. გამოვიდეს და შეგვხვდეს, მაგრამ ის თბილ სავარძელში ზის ჯერ", - ამბობს ერთერთი აქტივისტი. 

"ბუშტების გამო დააკავეს ადამიანები, რაც არის სრულიად სირცხვილი. ზოგი ჭყლეტაში გახდა ცუდად, 1 ადამიანი დაკავების დროს პოლიციას გამოვტაცეთ ხელებიდან. უამრავი ადამიანი მოდის აჭარის მთავრობის სახლთან პრობლემებით და მაინც არ ჩნდება რიჟვაძე. გაგრძელდება პიკეტირება ყოველდღიურ რეჟიმში", - თქვა აქციის ერთერთმა მონაწილემ. 

ოპოზიციის წევრის, ელგუჯა ბაგრატიონის თქმით, 2 ადამიანია დაპატიმრებული. 

"მე რაც დავინახე, ორნი იყვნენ. იმედია, ზუსტად მაინც გვეტყვიან მათ რაოდენობას", - ამბობს ბაგრატიონი.

შეგახსენებთ, რომ ხმაური ბათუმში დღეს დილითაც იყო - აქციის მონაწილეები მთავრობის თავმჯდომარესთან, თორნიკე რიჟვაძესთან შეხვედრას ითხოვდნენ, თუმცა ის 1 თვეა მოსახლეობასთან არ ჩნდება.

მოგვიანებით ოპოზიციის წარმომადგენელი, ელგუჯა ბაგრატიონი, საცხოვრებელ კორპუსში არ შეუშვეს, რამაც ასევე დაპირისპირება გამოიწვია. 

ხმაური აჭარის მთავრობის სახლთან არც ამ დროისთვის შემწყდარა.

მთავარი 12:00
უყურეთ ბოლო გამოშვებას

იხილეთ ჩვენს ეთერში

დღის მთავარი