ეკატერინე ტიკარაძის თქმით ქვეყანაში დღეის მონაცემებით 445 თავისუფალი საწოლია.
"დღეს გვყავს 6 595 დადასტურებული შემთხვევა ვინც სტაციონარში გადის მკურნალობას, 1289 ადამიანი არის ჟანდგბადზე დამოკიდებული, 392 ადამიანი არის რეანიმაციულ განყოფილებაში, ამ მომენტისთვის ჩვენ გვაქვს 445 თავისუფალი ადგილი", - ამბობს ჯანდაცვის მინისტრი.
მისივე თქმით ის პირები, რომლებიც ჰოსპიტალიზაციას პარასკევიდან ითხოვდნენ კოვიდ სასტუმროებში არიან განთავსებულნი.
შეგახსენებთ, კოვიდ სასტუმროში გადაყვანილი 19 წლის თეკლა თოდრია დაგვიანებული მკურნალობის გამო კორონავირუსით 1 დეკემბერს გარდაიცვალა.
აქვე შეგახსენებთ, რომ 2 დეკემბერს 611 თავისუფალი საწოლი იყო საქართველოში.
3 დეკემბერს კი, ჯანდაცვის მინისტრის მოადგილე ამბობდა, რომ ქვეყანაში 538 თავისუფალი საწოლია, მძიმე პაციენტის კლინიკაში გადაყვანა პრობლემა არაა
აქვე გეტყვით, რომ ბოლო 24 საათში საქართველოში კორონავირუსით ინფიცირების - 2 501 ახალი შემთხვევა დადასტურდა, დამატებით 3 988 ადამიანი გამოჯანმრთელდა, ხოლო 36 პაციენტი გარდაიცვალა.
ბოლო მონაცემებით საქართველოში:
- კორონავირუსით ინფიცირებულია - 164 976
- გამოჯანმრთელებულია - 137 499
- გარდაცვლილია - 1 540
- კარანტინის რეჟიმში რჩება - 1 267
- კოვიდ სასტუმროში მყოფი პირები - 3 744
- სტაციონარში მეთვალყურეობის ქვეშ - 6 963
- მათ შორის საქართველოში უცხოეთიდან სამკურნალოდ გადმოყვანილია - 41 პაციენტი.
