მე-10 მოწვევის პარლამენტის პირველი სხდომა პროტესტის გარეშე არ ჩაივლის - აქტივისტები
გამოქვეყნდა:
მე-10 მოწვევის პარლამენტის პირველი სხდომა პროტესტის გარეშე არ ჩაივლის. სამოქალაქო აქტივისტები საანონმდებლო ორგანოსთან შეიკრიბებიან და კიდევ ერთხელ ეტყვიან ხელისუფლებას, რომ მოქალაქეების ხმების მოპარვა "სირცხვილია".
"ქართულმა ოცნებამ" გადაწყვიტა და როგორც კალაძე ამბობს, მათ პრობლემას საერთოდ არ უქმნის მარტო იჯდებიან თუ არა და ცდილობენ ვიღაც ვიღაცეების გადაბარებას. არ არის პრობლემა, შევიდნენ პარლამენტში, რომელიც ბოლომდე ჩამოშლის საქართველოს პარლამენტარიზმის ტრადიციას, ვეცდებით ბოლომდე შევარცხვინოთ ისინი, იმ ადამიანებთან ერთად ვინც ლეგიტიმაციას მისცემს გაყალბებულ არჩევნებს, პროტესტი გაგრძელდება მათ მიმართაც" ,– ამბობს სამოქალაქო აქტივისტი, ნიკა ფარულავა
სამოქალაქო აქტივისტები ამბობენ, რომ პროტესტი უწყვეტი იქნება.
"პარლამენტი ვერ ერქმევა, ეს იქნება დაბალი დონის მოღალატე ადამიანებით ნახევრად სავსე შენობა და არაფერი მეტი, დაცინვის და აბუჩად აგდების მეტი არაფერი ეკუთვნით, არცერთი წამით არ გაჩერდება პროტესტი" – ამბობს სამოქლაქო აქტივისტი გიგა მაქარაშვილი
ახალგაზრდა აქტივისტების თქმით, ხალხს შეუძლია მთავრობის შეცვლა.
"პროპორციული არჩევნები არის მთლიანად ხალხის მოტანილი და არა ერთეული კანდიდატების, როგორც მოახერხა ხალხმა რომ მოიტანა პროპორციული არჩევნები, ისე შეუძლია წაიყვანოს ეს ხალხი უკან", – ამბობს სამოქლაქო აქტივისტი მაკო გომური.
ცნობისთვის, პარასკევს, 11 დეკემბერს მეათე მოწვევის პარლამენტის პირველი სხდომის ჩატარებისთვის პრეზიდენტმა სალომე ზურაბიშვილმა განკარგულება უკვე გამოსცა.
