კობახიძე "გაფუფლოვდა" - გიგი უგულავა სანაძლეოს მოგებას ზეიმობს
გამოქვეყნდა:
"ევროპული საქართველოს" ერთერთი ლიდერი, გიგი უგულავა თავის Facebook-ის გვერდზე პოსტს აქვეყნებს და წერს, რომ კობახიძე "გაფუფლოვდა" და თვითონ კი, თავზე თმა შერჩა. გიგი უგულავას ამის თქმის საფუძველს აძლევს სხდომათა დარბაზში მხოლოდ "ქართული ოცნების" დეპუტატების დასწრება.
"ქართული ოცნება" მეათე მოწვევის ერთპარტიული პარლამენტის პირველ სხდომას არასრული შემადგენლობით ესწრება. სხდომა პრეზიდენტმა, სალომე ზურაბიშვილმა გახსნა. ამ წუთებში პარლამენტში ერთსაათიანი შესვენება გამოცხადდა.
საკანონმდებლო ორგანოს გარეთ, ყველა შესასვლელთან პოლიციაა მობილიზებული. სხდომა პროტესტის ფონზე მიმდინარეობს.
რას შეეხება ოპოზიციას, "ერთიანი ნაციონალური მოძრაობა"; "ევროპული საქართველო"; "სტრატეგია აღმაშენებელი"; "ლელო საქართველოსთვოს"; "ლეიბორისტული პარტია"; "ერთიანი საქართველო" - ოპოზიციური პარტიებმა მოსწავლე ახალგაზრდობის ეზოში ხელი მოაწერეს მემორანდუმს, რომ უარს ამბობენ მანდატებზე და პარლამენტში უფლებამოსილების შეწყვეტასა და ხელახალ არჩევნებს მოითხოვენ.
