თავდასხმა ჟურნალისტზე, ქველაძეებზე, ცუცქირიძეზე... - აშშ-სა და ევროკავშირის ელჩების ნულოვანი რეაქცია
გამოქვეყნდა:
"მთავარი არხის" გენერალური დირექტორი ნიკა გვარამია, ამერიკის ელჩ კელი დეგნანის და ევროკავშირის ელჩ კარლ ჰარცელის იმ რეაქციაზე საუბრობს, რომლის მოლოდინიც, წინასაარცევნოდ თუ საარჩევნოდ მომხდარ მუქარის, ცემის, შანტაჟისა და ძალადობის ფაქტებს უნდა მოჰყოლოდა. მაგრამ, როგორც ნიკა გვარამია ამბობს, რეაგირება იყო - ნულოვანი.
- 29 სექტემბერი - თავდასხმა "მთავარი არხის" ჟურნალისტზე, ჯეუჰუნ მუჰამედალიზე.
ამერიკის შეერთებული შტატებისა და ევროკავშირის ელჩების რეაქცია იყო ნულოვანი, დუმილი, არც ერთი ზარი ჩვენს ტელევიზიაში. არცერთი მოკითხვა მძიმედ დაზარალებული ჟურნალისტის, ყრუ კედელი.
- 29 სექტემბერი - მამა-შვილ ქველძეებზე თავდასხმა.
როგორი იყო ამერიკის შეერთებული შტატებისა და და ევროკავშირის ელჩების რეაქცია - ნულოვანი, დუმილი, ყრუ კედელი.
- 18 სექტემბერი - საზოგადოებრივ აქტივისტზე ლაშა ცუცქირიძეზე თავდასხმა
როგორი იყო ამერიკის შეერთებული შტატების და ევროკავშირის ელჩების რეაქცია - ნულოვანი, დუმილი, ყრუ კედელი.
- 19 ოქტომბერი - კახა ოქრიაშვილის აქტივისტების დაცხრილვა.
როგორი იყო ამერიკის შეერთებული შტატების და ევროკავშირის ელჩების რეაქცია - ნულოვანი, დუმილი, ყრუ კედელი.
- 31 ოქტომბერი - კატასტროფული საარჩევნო დღე: გლდანი - იარაღი, ცემა და გასროლა. ნიკა მელიას აქტივისტების წინააღმდეგ მიმდინარე მოვლენები.
ეს ხომ ვანახეთ, ეს ხომ ჩანს, ამას ხომ არ სჭირდება ეუთოს და ოდირის დასკვნები, ეს ხომ ეკრანზეა, როგორი იყო ამერიკის შეერთებული შტატების და ევროკავშირის ელჩების რეაქცია. ნულოვანი, დუმილი, ყრუ კედელი.
ამავე გადაცემაში ნიკა გვარამიამ, წყაროებზე დაყრდნობით თქვა, რომ კელი დეგნანი ითხოვდა, მიხეილ სააკაშვილი არ დაენიშნათ თანამდებობაზე, რისთვისაც, მან საერთაშორისო ზარები განახორციელა.
აშშ-ის საელჩოზე საუბრისას, არხის გენერალურმა დირექტორმა ასევე თქვა, რომ აშშ-ს საელჩოს მედიასთან ურთიერთობის ატაშემ "მთავარი არხის" დამფუძნებელს "შეიარაღებული ბანდის მეთაური" უწოდა.
