ბოლოს კობახიძის წყენინებისთვის შეიძლება პატიმრობით დავისაჯოთ - ექსპერტების შეფასება
გამოქვეყნდა:
"ქართული ოცნების" აღმასრულებელი მდივანი, ირაკლი კობახიძე კითხვას, არიან თუ არა ინფორმირებლები ფასილიტატორი ელჩები და მოკავშირეები ინფორიმერებული იმ რეპრესიებზე, რასაც "ოცნება" აანონსებს პასუხობს, რომ ის ენმ-ს რეგისტრაციის გაუქმებაზე რამდენიმე კვირის წინაც საუბრობდა. კობახიძე დარწმუნებულია, რომ ამ საკითხზე ყველა ინფორმირებულია.
"საჯარო განცხადება რომ გაკეთდა ამის თაობაზე მათ აქვთ ბუნებრივია ინფორმაცია, შესაბამისად იციან ჩვენი განზრახვის თაობაზე და ბუნერბივია, განმარტებებიც გაკეთდაა ამასთან დაკავშირებით. ეს არის საპარალამენტო საბოტაჟის წინააღმდეგ მიმართული კანონპროექტების პაკეტი", - თქვა ირაკლი კობახიძემ.
მისი განცხადებით, თუ პოლიტიკური პარტია დემოკრატიულ ინსტიტუტებს უპირისპირდება, მაშინ ის ვერ ისარგებლებს იმ პრივილეგიებით, რომელიც დაკავშირებულია პოლიტიკურ პროცესში ჩართულობასთან.
ნაბიჯი ავტოკრატიიდან დიქტატურისკენ - ასე აფასებენ ანალიტიკოსები კობახიძის განცხადებას და ამბობენ, რომ საერთაშორისო საზოგადოებას უკვე კითხვები აღარ დარჩება, რატომ გამოაცხადა ოპოზიციამ ბოიკოტი.
"საბოლოო ჯამში ყველაფერში უნდა დავინახოთ პოზიტივი, ეს მიმართულება რომელიც მან აიღო და სიტყვა საბოტაჟიც კი ახსენა, ტოტალიტარული ქვეყნების ლექსიკით დაიწყო საუბარი, გახსოვთ თქვენ ბიძინა ივანიშვილი, როდესაც საარჩევნო კამპანიაში ვიყავით ჩართულები ის იყო საფრანგეთის მოქალაქე. საერთოდ არ შეიძლება კობახიძის წყენინება, აქამდე მივალთ საბოლოო ჯამში, მუხრუჭები მოშლილი აქვს და კობახიძის წყენინებისთვის შეიძლება სისხლის სამართლის კოდექსში შეიტანო ცვლილეები, რომლითაც უვადო პატიმრებით დავისჯებით", - თქვა პოლიტოლოგმა, გია ხუხაშვილმა.
მისი თქმით, ელისაშვილის ადგილზე ყოფნას ახლა ნამდვილად არ ისურვებდა. ევროპარლამენტარის თქმით, ახლა სერბეთის მოდელი საქართველოსთვის საინტერესო იქნებოდა, სადაც 2022 წელს ახალი არჩევნები ჩაინიშნა.
"აუცილებლად უნდა იქნას გამოსავალი ნაპოვნი ამ სიტუაციიდან, მართალია მე ვფიქრობ, რომ ამ სიტუაციაში ხელისუფლების პასუხისმგებლობა მეტია, რადგან მათ მეტი რესურსი აქვთ. რაც შეეხება ოპოზიციას, მე მათ ხშირად ვაკრიტიკებ, მაგრამ მესმის მათი გაღიზიანება, ისინი ადგილზე არიან, თავად ნახერს რაც ხდებოდა და ვერ მოისმინეს პასუხი საკუთარ პრეტენზიებზე", - თქვა ევროპარლამენტრმა, რუსა ჯუკნევიჩიენემ.
შეგახსენებთ, ირაკლი კობახიძემ ბრიფინგზე რამდენიმე საკანონმდებლო ინიციატივაზე ისაუბრა:
- საპარლამენტო საბოტაჟი სამართლებრივ რეაგირებას მოითხოვს, კანონპროექტი ინიცირებულია - კობახიძე რეპრესიებს აანონსებს
- პარტიებს, რომლებმაც მანდატებზე უარი თქვეს, სახელმწიფო დაფინანსება შეუწყდებათ
- დადგენილ ცენზთან პარტიის ლიდერის შეუსაბამობა - კობახიძემ პარტიის რეგისტრაციის გაუქმების წინაპირობა დაასახელა.
