კორონავირუსის ახალი ვარიანტის გავრცელებასთან დაკავშირებით, ბრიტანეთში სპეციალური კოვიდცენტრები - რომლებიც პანდემიის დასაწყისში, მარტში აშენდა - კიდევ ერთხელ გახსნეს. ლონდონში მცხოვრები დაწყებითი კლასის მოსწავლეები კი სკოლიდან დაითხოვეს.
"ბავშვების ჯანმრთელობა და განათლება ჩვენი პრიორიტეტია... ლონდონელი მოსწავლეების ონლაინ სწავლებაზე გადაყვანა ჩვენი უკანასკნელი საშუალება და პრობლემის მცირეხნიანი გადაწყვეტაა" - ამბობს ბრიტანეთის განათლების მინისტრი, გევინ უილიამსონი.
შეგახსენებთ, რომ ინგლისში კორონავირუსის ახალი და სწრაფად გავრცელებადი ვარიანტი თვის დასაწყისში აღმოაჩინეს.
აქვე გეტყვით, რომ ბრიტანეთში ამ დროისთვის 600 000 ადამიანი უკვე აცრილია - ოქსფორდის ვაქცინამდე ქვეყანამ Pfizer/BioNTech დაამტკიცა (მსოფლიოში პირველმა) და იმუნიზაცია 8 დეკემბერს დაიწყო.
ქვეყანაში ასევე დამტკიცდა AstraZeneca-ს ვაქცინაც.