კოროანვირუსის ახალი შტამით დაინფიცირებული სომხეთის პრეზიდენტი, არმენ სარქისიანი, რომელიც ამ დრომდე სახლში მკურნალობდა, კლინიკაში გადაიყვანეს.
ინფორმაციას პრეზიდენტის ოფისი ავრცელებს. მათი ცნობით, სარქისიანის ჯანმრთელობის მდგომარეობა მძიმეა - აქვს მაღალი სიცხე და ორმხრივი პნევმონია.
ცნობისთვის, მას კორონავირუსის ახალი ვარიანტი 5 იანვარს დაუდასტურდა. ინფიცირების წყარო ლონდონია, რადგან პრეზიდენტმა ახალი წელი ოჯახთან ერთად სწორედ დიდ ბრიტანეთში გაატარა.
