ყველა შესაძლებლობას მივცემთ ოპოზიციას საპარლამენტო საქმიანობის გასაგრძელებლად – ოცნება
გამოქვეყნდა:
ხელისუფლებამ ოპოზიციას მანდატის შეწყვეტის ულტიმატუმი კიდევ ერთხელ განუხანგრძლივა.
ოპოზიცია პოზიციას არ ცვლის და პარლამენტში შესვლას არ აპირებს და ხელისუფლებას მოუწოდებს მანდატების შეჩერების გადაწყვეტილება დროულად მიიღოს.
- "ჩვენი მანდატებზე უარის თქმის გადაწყვეტილება არ ყოფილა იმპულსური, ეს იმის შედეგია რომ არჩევნები გაყალბდა, ხალხი ელოდება ხელისუფლების ცვლილებას" – ამბობს ენმ–ს წევრი ზურაბ მელიქიშვილი
- "მნიშნველოვანია ეს მოხდეს და ერთპარტიულ პარლამენტს დაესვას ბეჭედი, რომ ეს არის კომუნისტური პარლამენტი, ამის შემდეგ პროცესი დაიწყება და მეტი წნეხი გაჩნდება ოცნებაზე" – ამბობს ევროპული საქართველოს წევრი გიორგი კანდელაკი
- "მე ოცი წელია, მანდატის გარეშე ვუგრეხავ კისერს ყველა ჯურის ხელისუფლებას, ეს იქნება მესამე, რომელსაც მანდატის გარეშე გავისტუმრებ" – ამბობს ლეიბორისტების ლიდერი შალვა ნათელაშვილი
ოცნებაში ამბობენ, რომ ოპოზიციას ყველა შესაძლებლობას მისცემენ, რომ საპარლამენტო საქმიანობა გააგრძელონ.
"ყველა შესაძლებლობას მივცემთ საპარლამენტო ოპოზიციას ბოლომდე იმისათვის, რომ მათ გააგრძელონ საპარლამენტო საქმიანობა, ჩვენი სურვილი და მოლოდინი არის ის რომ ოპოზიციის უმრავლესობა ორ თებერვლამდე მაინც მიიღებს გადაწყვეტილებას გააგრძელოს საქმიანობა" – ამბობს პარლამენტის საპროცედურო საკითხთა კომიტეტის წარმომადგენელი გურამ მაჭავარიანი
ოპოზიციის 51 დეპუტატისთვის უფლებამოსილების შეჩერების საკითხზე მმართველი პარტია ერთ კვირაში იმსჯელებს.
ამავე თემაზე:
