ბორის ჯონსონი: დიდ ბრიტანეთში ვაქცინის პირველი დოზით 10 მლნ. ადამიანი უკვე აიცრა
გამოქვეყნდა:
დიდი ბრიტანეთის პრემიერმინისტრი, ბორის ჯონსონი, Twitter-ზე წერს, რომ კორონავირუსის საწინააღმდეგო ვაქცინის პირველი დოზით ქვეყანაში 10 მილიონი ადამიანი უკვე აიცრა.
"მადლობა ყველას, ვინც დაგვეხმარა, რომ ეს შესაძლებელი გამხდარიყო", - ვკითხულობთ მის ტვიტში.
აქვე გეტყვით, რომ Bloomberg-ის ბოლო მონაცემებით, მსოფლიოში 104 მილიონზე მეტი პირი უკვე აიცრა. ვაქცინაციის სისწრაფით ლიდერი ისრაელია, მას მოსდევს სეიშელი, არაბეთის გაერთიანებული საამიროები, დიდი ბრიტანეთი და ბაჰრეინი.
