ბოლო დღეების განმავლობაში ხელისუფლებამ ერთმანეთის მიყოლებით გააცოცხლა სადაც სამართლებრივი დევნის ობიექტები არიან ოპოზიციური ლიდერები.
ოპოზიციაში ამბობენ, რომ ივანიშვილის გუნდს პროტესტის ეშინია და რეპრესიებს დასაშინებლად მიმართავს.
- "პოლიტიკური დევნა გრძელდება ყველა იმ ადამიანის მიმართ ვინც წარმოადგენს განსაკუთრებულ წინაღობას ბიძინა ივანიშვილის რეჟიმისთვის" – ამბობს ენმ–ს წევრი ხატია დეკანოიძე
- "ეს არის ივანიშვილის უხილავი ხელი, თითქოს გავიდა თამაშიდან ამ დროს მისი ფარული შავი ხელი მოქმედებს და ამოქმედდა რეპრესიული მანქანა" – ამბობს ლეიბორისტული პარტიის წევრი გიორგი გუგავა
"ოცნებაში" ამბობენ, რომ სამართლებრივი მეთოდების გამოყენება "ხელის გადაგრეხვა" არ არის და პოლიტიკური ძალების პარლამენტში შემოსვლის იძულებას არ უკავშირდება.
შეგახსენებთ, ნიკა გვარამიას პროცესი უკვე განახლდა, მომდევნო კვირას სასამართლოშია დაბარებული ირაკლი ოქრუაშვილი, დღეს პროკურატურაში იკითხება ელდარ გოგოლაძე და განახლდა ნიკა მელიას საქმეც. არსებობს მოლოდინი რომ განახლდება გიგი უგულავას საქმეც.
