საქართველოში შექმნილ პოლიტიკურ კრიზისზე 23 მარტს შეერთებული შტატების სენატი იმსჯელებს. სენატორების კითხვებს სახელმწიფო მდივნის მოადგილის თანაშემწეები უპასუხებენ. დაგეგმილ განხილვას საქართველოს მეოთხე პრეზიდენტი Twitter-ზე გამოეხმაურა:
"სენატის ქვეკომიტეტში საქართველოს შესახებ მოსმენას ველოდები. 3 წლის წინ კონგრესს საქართველოს მხარდამჭერი აქტის მიღების თხოვნით მივმართე და ჩვენმა კარგმა მეგობრებმა ის ანგარიშში ჩაწერეს. ის დემოკრატიის დაცვითა და გაძლიერების მოწოდებით იწყება. დემოკრატიის უკუსვლის შესაჩერებლად ჩვენ აშშ-ის აქტიური ჩარევა გვჭირდება დაუყოვნებლივ!" - წერს გიორგი მარგველაშვილი.
ცნობისთვის, ამერიკის სენატის საგარეო ურთიერთობათა კომიტეტში საქართველოში მიმდინარე პოლიტიკურ პროცესებზე დებატები სენატორ ჯინ შაჰინის ინიციატივით ჩაინიშნა.
