"ჩემი აზრით, ამით არა მხოლოდ ყური აუწიეს ოპოზიციას, არამედ გაულაწუნეს და ყურები დაახიეს კიდეც", - ასე აფასებს საპარლამენტო უმრავლესობის წევრი ირაკლი ზარქუა, აშშ-ის სენატში გუშინ გაკეთებულ განცხადებებს.
ზარქუას თქმით, "2012 წლიდან მოყოლებული "ქართულ ოცნებას" არასდროს გადაუხვევია ერვოატლანტიკური კურსიდან".
"მეორე მესიჯი და განსაკუთრებით ჩემთვის მნიშვნელოვანი იყო იმის ხაზგასმა სენატორებისგან, რომ საქართველოში პარლამენტს გარეთ არსებული ქაოსი, დესტაბილიზაცია და რევოლუციური სცენარი მხოლოდ რუსეთის ინტერესებშია. ეს ნათლად იყო ხაზგასმული და ჩემი აზრით, ამით არა მხოლოდ ყური აუწიეს ოპოზიციას, არამედ გაულაწუნეს და ყურები დაახიეს კიდეც", - თქვა ზარქუამ.
მისივე თქმით, "საქართველოს პოლიტპატიმრები არ ჰყავს" და აშშ-ის სენატზე ამის შესახებ არაფერი თქმულა. ზარქუას განცხადებით, "მთავარი არის ის, რომ დიალოგს არ აქვს ალტერნატივა".
შეგახსენებთ, რომ 23 მარტს ამერიკის სენატში საგარეო კომიტეტის სხდომაზე საქართველოში მიმდინარე პოლიტიკურ კრიზისზე დებატები გაიმართა.
ამავე თემაზე:
- ყოველი დღე, როდესაც ოპოზიციონერები არიან ციხეში, არის გამარჯვება რუსეთისთვის - სენატორი შაჰინი
- მელიას დაკავებამ კრიზისი გაამწვავა - ჯორჯ კენტი
- ზეწოლა სამოქალაქო საზოგადოებასა და მედიაზე, რუსეთის წისქვილზე ასხამს წყალს - მაკდონალდი
- პოლიტიკურ ცხოვრებაზე, მედიასა და მართლმსაჯულებაზე ოლიგარქიული გავლენა იზრდება - სენატორი რიში
