”ჩვენი მთავარი მიზანია, რომ შავი ზღვა კვლავ იყოს მშვიდობის, წესრიგის და თანამშრომლობის ზღვა”, - ეს განცხადება თურქეთის პრეზიდენტმა უკრაინელ კოლეგასთან, ერთობლივ პრესკონფერენციაზე გააკეთა.
ერდოღანმა უკრაინასა და მის ტერიტორიულ მთლიანობას მხარდაჭერა გამოუცხადა:
„შეხვედრის დროს თურქეთმა მტკიცედ დაიცვა უკრაინის ტერიტორიული მთლიანობა და სუვერენიტეტი, კიდევ ერთხელ დავადასტურეთ ჩვენი პრინციპული პოზიცია ყირიმის ანექსიის არაღიარების შესახებ” -განაცხადა ერდოღანმა.
თურქეთის პრეზიდენტმა "შემაშფოთებელი" უწოდა იმ მძიმე მოვლენებს, რომელიც ახლა უკრაინის აღმოსავლეთით ვითარდება.
ზელენსკიმ და ერდოღანმა შეხვედრა სტამბულში გამართეს.
