ჩვენთან ერთად მოიპოვეთ თავისუფლება!
შინაგან საქმეთა სამინისტრომ რიონის მცველები ტრანსპორტის გადაადგილებისთვის დაბრკოლებების შექმნის გამო დააკავა. როგორც უწყების მიერ გავრცელებულ განცხადებაშია ნათქვამი, სოფელ გუმათში მიმდინარე საპროტესტო აქციაზე 6 პირი დააკავეს.
"შეკრებებისა და მანიფესტაციების შესახებ" საქართველოს კანონის მე-11 მუხლის მე-2 პუნქტის „ე“ ქვეპუნქტის თანახმად შეკრების ან მანიფესტაციის მონაწილეებს ეკრძალებათ განზრახ შექმნან დაბრკოლებები ტრანსპორტის გადაადგილებისათვის.
აქციის მონაწილეთა მხრიდან არაერთხელ გაცხადდა, რომ მათი შეკრების მიზანი კომპანია „ენკას“ სატრანსპორტო საშუალებების გადაადგილებისთვის განზრახ დაბრკოლების შექმნა იყო. მიუხედავად პოლიციის მიერ არაერთი გაფრთხილებისა, აქციის მონაწილეებმა არ გაათავისუფლეს გზის სავალი ნაწილი, არ დაემორჩილნენ პოლიციის კანონიერ მოთხოვნებს, რის შემდეგაც პოლიციამ გამოიყენა იძულების პროპორციული ღონისძიებები.
ამასთან, შინაგან საქმეთა სამინისტრო, როგორც მართლწესრიგის დაცვაზე პასუხისმგებელი უწყება მოუწოდებს მოქალაქეებს, შეკრებისას დაიცვან კანონი და დაემორჩილონ პოლიციელთა კანონიერ მოთხოვნებს, - წერს შსს.
ამავე თემაზე:
- "არ ვიცი, რატომ გადამიყვანეს პოლიციაში" - რიონის ხეობაში დაკავებული აქტივისტის პირველი კომენტარი "მთავარ არხთან"
- "ცეცხლში ჩავარდა ჩვენი ერთ-ერთი თანამებრძოლი" - ვარლამ გოლეთიანი გუმათში დაპირისპირებაზე
- ხმაური გუმათში - პოლიციამ აქტივისტები დააკავა
- "სპეცრაზმი გამოიყვანეს, გროვდებიან" - გუმათში, რიონის მცველებსა და პოლიციას შორის დაპირისპირებაა
