ევროპული საბჭოს პრეზიდენტმა, შარლ მიშელმა საქართველოში ვიზიტი დაასრულა და ქვეყნიდან გაემგზავრა.
შეგახსენებთ, რომ ოპოზიციასა და ხელისუფლებას შორის მიღწეული შეთანხმების შემდეგ შარლ მიშელი საქართველოში გუშინ, 20 აპრილს ჩამოვიდა. ის შეხვდა პრეზიდენტს, პრემიერს, ოპოზიციისა და "ქართული ოცნების" წარმომადგენლებს.
დღის ბოლოს ორბელიანების სასახლეში მიშელის პატივსაცემად ვახშამი გაიმართა, სადაც მხარეებმა შეთანხმების დოკუმენტზე კიდევ ერთხელ იმსჯელეს.
19 აპრილს ევროპული საბჭოს პრეზიდენტის საბოლოო დოკუმენტს ოპოზიციის ნაწილმა და "ქართულმა ოცნებამ" ხელი მოაწერეს. ამ ეტაპისთვის დოკუმენტს ხელ არ აწერს "ნაციონალური მოძრაობა", "ევროპული საქართველო" და "ლეიბორისტული პარტია".
