"სასულიერო პირი მირტყამდა წვეტიანი ფეხსაცმლით კოჭებში, საკმაოდ ძლიერად მხარზე"- თავდასხმა დავით გარეჯში

დავით გარეჯის სამონასტრო კომპლექსის ტერიტორიაზე "მთავარი არხის" ჟურნალისტებსა და ივერი მელაშვილზე მომხდარი თავდასხმის შესახებ დეტალურად "მთავარი არხის" პირდაპირ ეთერში, გადაცემა "დღის სტუმარში" ისაუბრეს ნინუცა კეკელიამ და ივერი მელაშვილმა.

როგორც ჟურნალისტი ამბობს, სასულიერო პირები ყველაფერს აკეთებდნენ მათ პროვოკაციაზე წამოსაგებად, ამ ყველაფერს კი სასაზღვრო პოლიცია მშვიდად ადევნებდა თვალს:   

კადრში რაც ჩანს არის ერთი გაქნევა, რომელიც მხვდება. ამის შემდგ უკვე კამერა ითიშება, მე ტელეფონით  გადაღების საშუალება იქ აღარ მომცეს და დაიწყო ფიზიკური დაპირისპირება ოპერატორთან.

ჩემს მიმართ უფრო მეტად დამამცირებელი ფიზიკური შეხება იყო. სასულიერო პირი მირტყამდა წვეტიანი ფეხსაცმლით კოჭებში, დროდადრო საკმაოდ ძლიერად მხარზე. ეს ადამიანები ყველაფერს აკეთებდნენ იმისთვის რომ სადღაც დამეკარგა მოთმინება და პროვოკაციას წამოვგებოდი, ან უხეშად მეც შევხებოდი.

სასაზღვრო პოლიციის ორივე ეკიპაჟის წინ ხდებოდა ეს მოქმედება და ისინი ამაზე არ რეაგირებდნენ თხოვნის მიუხედავად" იხსენებს "მთავარის" კორესპონდენტი.

გუშინ, 4 მაისს "მთავარი არხის" გადამღები ჯგუფი ივერი მელაშვილთან ერთად დავით გარეჯში "შაბათის მთავარისთვის" რეპორტაჟის გადასაღებად იყო ჩასული, რა დროსაც მათ თავს ჯერ ნასვამი სასულიერო პირები, შემდეგ კი მოქალაქეები დაესხნენ.  გამოძიება მხოლოდ 126-ე ძალადობის მუხლით დაიწყო. 

ამავე თემაზე:

• "ცემა რომ მოხდა გადაღებულია? კადრებში არაფერი არ ჩანს" - გარეჯელი სასულიერო პირი
• გამოძიებას შეიძლება 5 მუხლი დაემატოს, შეიძლება არაფერი - გომელაური გარეჯში თავდასხმაზე