რუსეთში Covid 19-ით ახლადდაინფიცირებული ადამიანების რაოდენობა მზარდია. ზედიზედ ხუთი დღეა, ქვეყანაში, ყოველდღიურად, Covid 19-ის 10 000-ზე მეტი შემთხვევა ფიქსირდება.
ბოლო 24 საათში, რუსეთში, Covid 19-ის 11 231 ახალი შემთხვევა დაფიქსირდა.
შვიდი მაისის მდგომარეობით სულ, ქვეყანაში, 187 859 შემთხვევაა დაფიქსირებული, აქედან 1 723 გარდაიცვალა, 26 608 გამოჯანმრთელდა, დანარჩენი 159 528 კი მიმდინარე შემთხვევაა, საიდანაც დაახლოებით 2300 პაციენტის მდგომარეობა კრიტიკულად მძიმეა.
მსოფლიოში, Covid 19-ის მიმდინარე შემთხვევების რაოდენობით, რუსეთი, აშშ-სა და ბრიტანეთის შემდეგ, მესამე ადგილზეა.
შეგახსენებთ, რომ Covid 19-ით რუსეთის მთავრობის სამი წარმომადგენელია დაინფიცირებული პრემიერ-მინისტრი მიხეილ მიშუსტინი, კულტურის მინისტრი ოლღა ლიუბიმოვა და მშენებლობის მინისტრი, ანდრეი ბელოსუვი. კორონავირუსი მშენებლობის მინისტრის მოადგილესაც დაუდგინდა.
