"ნაციონალური მოძრაობის" თავმჯდომარის, ნიკა მელიას სასამართლო პროცესი, სავარაუდოდ, დღეს, 10 მაისს გაიმართება. შეგახსენებთ, რომ საქალაქო სასამართლომ მელიას აღკვეთი ღონისძიების შეცვლაზე უნდა იმსჯელოს.
პროკურატურამ შესაბამისი შუამდგომლობით სასამართლოს გუშინ მიმართა, რასაც წინ ევროკავშირის მიერ გირაოს თანიხს - 40 000 ლარის გადახდა უძღოდა.
პროცესის გამართვის ზუსტი დრო დღეს დილით უნდა გახდეს ცნობილი.
შეგახსენებთ, რომ თბილისის საქალაქო სასამართლომ ნიკა მელიას აღკვეთის ღონისძიების სახით პატიმრობა 17 თებერვალს შეუფარდა. საქმეს მოსამართლე ნინო ჩახნაშვილი განიხილავდა. სასამართლოში მისი საქმის მომდევნო პროცესი 13 მაისს 12 საათზეა ჩაინიშნული.
