ჩვენთან ერთად მოიპოვეთ თავისუფლება!
ქუთაისის მერის მოადგილის, იუზა უგულავას ბიზნესპარტნიორის კომპანია ქუთაისის მუნიციპალიტეტის ტენდერებს იგებს. აღსანიშნავია, რომ თავად იუზა უგულავა 2019 წლიდან ხელმძღვანელობს სატენდერო კომისიას. ამის შესახებ ინფორმაციას არასამთავრობო ორგანიზაცია "საერთაშორისო გამჭვირვალობა - საქართველო" ავრცელებს.
კომპანია "ილიკო-1"-მა 2019-2021 წლებში ქუთაისის მერიის მიერ აუქციონის გარეშე გამოცხადებულ 5 ელექტრონულ ტენდერში გაიმარჯვა. ხელშეკრულებების ჯამურმა ღირებულებამ 29 4545 ლარი შეადგინა.
- 2019 წელს კომპანიამ 114 220 ლარის ტენდერი მოიგო,
- 2020 წელს - 16 000 ლარის,
- 2021 წლის 5 მარტს კი კომპანიასთან ხელშეკრულება 164 325 ლარზე გაფორმდა.
ხუთი ტენდერიდან ოთხ შემთხვევაში შპს "ლიკო-1"-ს კონკურენტი არ ჰყოლია. კომპანიას ქუთაისის სკვერებისთვის ძელსკამები უნდა დაემზადებინა და დაემონტაჟებინა.
ორგანიზაციის შეფასებით, ტენდერებში შპს "ლიკო-1"-ის გამარჯვება და ზემოთ მოყვანილი გარემოებები წარმოშობს ეჭვს პროცესის გამჭვირვალობასთან და შემსყიდველი ორგანიზაციების მიუკერძოებელ მიდგომასთან დაკავშირებით.
