საქართველო სავარაუდო ტრეფიკინგის სკანდალში | რას ყვება მეირბეკოვს გადარჩენილი ახალგაზრდა ქალი
გამოქვეყნდა:
საქართველო სავარაუდო ტრეფიკინგის სკანდალში ეხვევა. 26 წლის ყაზახი ქალის გარდაცვალების საქმემ შესაძლოა ადამიანებით ვაჭრობის საერთაშორისო ქსელი გამოააშკარავოს.
"მთავარმა არხმა" ცოტა ხნის წინ ყაზახეთის მოქალაქე ჩაწერა, რომელიც მეირბეკოვის დანაშაულებრივ ქმედებებს სასწაულებრივად გადაურჩა. ახალგაზრდა ქალი მთავართან ჰყვება, რომ მურად მეირბეკოვი მას და მის მეგობარს საქართველოში სასწრაფოდ ჩამოსვლას აიძულებდა და მზად იყო ჩაფრენის ხარჯები დაეფარა.
ასელ აიტპაევას საქმე
ოფიციალური ვერსიით, 26 წლის ყაზახმა გოგონამ ასელ აიტპაევამ 5 მაისს სიცოცხლე თვითმკვლელობით დაასრულა. შსს-მ 6 მაისს დააკავა ბრალდებული, 57 წლის ბესიკ თოდუა, რომელმაც გამოძიების ინფორმაციით, ის გააუპატიურა. პროკურატურამ კი დაკავებულს ბრალი 7 მაისს წარუდგინა. ბრალდებულს თბილისის საქალაქო სასამართლომ აღკვეთის ღონისძიების სახით, პატიმრობა შეუფარდა.
14 მაისს პროკურატურამ ბრალი კიდევ ერთ პირს, ასელ აიტპაევას ნათესავს, მურად მეირბეკოვსაც წარუდგინა. საგამოძიებო უწყების ცნობით, მეირბეკოვმა, რომელმაც ასელ აიტპაევა საქართველოში სამუშაოდ ჩამოიყვანა, გოგონაზე რუსთავში 2-ჯერ იძალადა. უწყება მას საქართველოს სისხლის სამართლის კოდექსის 137-ე მუხლის პირველი ნაწილით გათვალისწინებულ დანაშაულს, 2-ჯერ გაუპატიურებას ედავება. დანაშაული 6-დან 8-წლამდე თავისუფლების აღკვეთას ითვალისწინებს.
სასამართლომ მეირბეკოვს აღკვეთის ღონიძიების სახით პატიმრობა დაუსწრებლად შეუფარდა. პროცედურულად, საქართველოს იუსტიციის სამინისტროს 15 დღე აქვს იმისთვის, რომ ყაზახეთის მთავრობას მეირბეკოვის ექსტრადირების მოთხოვნით მიმართოს.
ასელ აიტპაევას ოჯახი კი დარწმუნებულია, რომ მურად მეირბეკოვმა, გოგონა საქართველოში მოტყუებით ჩამოიყვანა, იძალადა, გაყიდა, შემდეგ კი მოკლა. 26 წლის ყაზახი ქალი ოჯახის წევრები მოითხოვენ, რომ საქმეს კიდევ ერთი, ტრეფიკინგის მუხლიც დაემატოს.
იხილეთ ასევე:
