შშმ მოზარდი, რომელიც განათლების სამინისტროს დაავიწყდა და 1 წელი სახლში გამოკეტა, სასამართლოში ჩივის
გამოქვეყნდა:
14 წლის მოზარდი განათლების სამინისტროს სასამართლოში უჩივის. "პარტნიორობა ადამიანის უფლებებისათვის" წევრი და უფლებადამცველის, ანა არგანაშვილის ინფორმაციით, უწყებამ მოზარდი 1 წელი სახლში გამოკეტა, რადგან შშმ პირია.
"საქმე არის შემდეგში: პანდემიამდე განათლების სამინისტრომ რეგიონის ერთ-ერთ სკოლაში დაიწყო რემონტი. დროებით, ბავშვები სხვა შენობაში გადაიყვანა. ბავშვებს დაუქირავა ტრანსპორტი მაგრამ, დაავიწყდა შშმ ბავშვი და ეს ბავშვი გამოკეტა 1 წელი სახლში.
ახლა, როდესაც განათლების სამინისტროს იურისტები ჩადიან ამ რაიონში სასამართლო პროცესზე, სასამართლოს თხოვენ, თავის მგზავრობის და სამივლინებო თანხა დააკისრონ შშმ ბავშვს", - წერს არგანაშვილი.
