26 მღვდელი, რომელიც 5 ივლისის ძალადობრივ აქციაში მონაწილეობდა - "აი ფაქტის" გამოძიება
გამოქვეყნდა:
გამომძიებელ ჟურნალისტთა გაერთიანება "აი ფაქტმა" 5 ივლისის ძალადობრივ და ჰომოფობიურ აქციაზე 26 მღვდელმსახური ამოიცნო. მათი ნაწილი აქციაზე "ალტ-ინფოს" მოძალადე ლიდერების გვერდით იდგა, ნაწილი კი "ალტერნატივა საქართველოსთვისა და "ქართული იდეის".
"5 ივლისს ჟურნალისტები "ღმერთის სახელით" სცემეს. ცოდვის და ცოდვილების მკვლელობა ჩვენი ვალიაო, ასე გამოაცხადეს. მღვდლები ძალადობას ჯერ ამბიონიდან აქეზებდნენ, შემდეგ კი პარლამენტის წინ, კიბიდან", - წერია სტატიაში.
"აი ფაქტმა" ძალადობრივ აქციაზე ამოიცნო:
- მამა საბა ჭიკაიძე – თბილისის ვაკის მაცხოვრის ფერისცვალების ტაძარი
- დეკანოზი შალვა კეკელია – თბილისის ვაკის მაცხოვრის ფერისცვალების ტაძარი
- მამა დავით რუხაძე – საბურთალოს სულთმოფენობის ტაძარი
- დეკანოზი გიორგი რაზმაძე – თბილისის წმინდა ქეთევან წამებულის ტაძარი
- მეუფე გიორგი ჯამდელიანი – მარნეულისა და ჰუჯაბის ეპარქია
- არქიმანდრიტი კირიონ ონიანი – დავითგარეჯას ლავრა
- მამა გიორგი პავლოვი – საგარეჯო, გიორგიწმინდას ღვთისმშობლის შობის სახელობის ტაძარი
- მეუფე იოანე გამრეკელი – ქუთაის-გაენათის ეპარქია
- მამა სპირიდონ ცქიფურიშვილი – თერჯოლა, ვარდიგორის მამათა მონასტერი
- მღვდელმონაზონი დავით უმანკოშვილი – გელათის წმინდა საბას სახელობის მონასტერი
- დეკანოზი არჩილ დათეშიძე – ქუთაისის ივერიის ყოვლადწმიდა ღვთისმშობლის ხატის სახელობის ტაძარი
- მამა არსენ სადუნიშვილი – ქუთაისის წმინდა იოანე ნათლისმცემლის შობის სახელობის ტაძარი
- მამა თომა სოსელია – ქუთაისის წმინდა იოანე ნათლისმცემლის შობის და წმინდა თომა მოციქულის სახელობის ტაძრები
- მღვდელი კვირიკე რობაქიძე – ქუთაისი, ღირსი ილარიონ ქართველის ეკლესია
- დეკანოზი იოანე მიხელიძე – გუმათის ყოვლადწმიდა ღვთისმშობლის შობის, ზარათის წმ. კვირიკესა და ივლიტას და ჟონეთის ფერისცვალების სახელობის ტაძრები
- დეკანოზი ილარიონ კვიმსაძე – ქუთაისის წმ. თომა მოციქულის სახელობის ტაძარი
- მღვდელმონაზონი მოსე ცქიტიშვილი – ქუთაისის ღირსი მოსე შავის სახელობის მონასტერი
- მამა იოანე გრიგოლაშვილი – წყალტუბო, სოფელ უკანეთის ტაძარი
- მამა დავით ბოჭორიშვილი – ტყიბული, ქაშუეთის წმინდა გიორგის სახელობის ეკლესია
- მამა გიორგი ბედიაშვილი – თბილისი, წმინდა დემეტრე თავდადებულის სახელობის/წმინდა დიმიტრი ყიფიანის სახელობის ტაძარი
- მამა მოსე ჭელიძე – თბილისი, მთავარანგელოზ მიქაელის სახელობის ტაძარი
- მამა ბენიამინ ებრალიძე – ჯიხეთის დედათა მონასტერი
- დეკანოზი გაბრიელ ჩადუნელი – რუის-ურბნისის ეპარქია, ძამას ხეობა
- მამა დემეტრე ქათამაძე – ბოლნისი, ქვეშის ღვთისმშობლის შობის სახელობის ტაძარი
- მამა იოანე საბანაძე – ვაკის წმ. ანდრია პირველწოდებულის სახელობის ტაძარი
- მამა მირიან ფხაკაძე – ბოლნისის ეპარქია, ტანძიის ეკლესია.
მღვდლების აქციაში მონაწილეობის ამსახველი ვიზუალური მასალა შეგიძლიათ ნახოთ აქ.
ცნობისთვის, 5 ივლისს ძალადობრივი აქცია მთავრობის და პირადად ირაკლი ღარიბაშვილის გარდა საპატრიარქოს მიერაც იყო წახალისებული. ამ დღეს თავს არაერთი მედიის 53 ჟურნალისტს დაესხნენ თავს, სცადეს "სირცხვილიას" ოფისის დარბევა, შეიჭნენ "თბილისი პრაიდის" ოფისშიც. სწორედ 5 ივლისს სასტიკად სცემეს "ტვ პირველის" ოპერატორი, ლექსო ლაშქარავა, რომელიც 11 ივლისს გარდაცვლილი ნახეს.
შსს-ს ცნობით, 5-6 ივლისს გამართული აქციების მიმდინარეობის დროს ჟურნალისტისთვის პროფესიულ საქმიანობაში ძალადობის მუქარით, უკანონოდ ხელის შეშლის, ძალადობითა და ძალადობის მუქარით დევნის, ასევე, ჯგუფური ძალადობის ფაქტებზე სულ დაკავებულია 29 პირი, კერძოდ:
- ჟურნალისტებისთვის პროფესიულ საქმიანობაში ძალადობის მუქარით, უკანონოდ ხელის შეშლის, ჯგუფური ძალადობის და ძალადობის მუქარით დევნის ფაქტებზე დაკავდა 25 პირი;
- "თბილისი პრაიდის" ოფისის დარბევისთვის, ჯგუფურ ძალადობაში მონაწილეობის, ძალადობით ან ძალადობის მუქარით დევნის, ასევე, ბინის ან სხვა მფლობელობის ხელშეუხებლობის ჯგუფურად დარღვევის ფაქტზე დაკავებულია 3 პირი;
- 1 პირი კი პოლიციამ მოქალაქის მიმართ ჩადენილი ძალადობისთვის დააკავა.
