"ეს ნამდვილად სამწუხაროა" - ჯო ბაიდენის მრჩეველი "ოცნების" მიერ შეთანხმების ანულირებაზე
გამოქვეყნდა:
"ქართული ოცნების" მიერ 19 აპრილის შეთანხმების ანულირებას ჯო ბაიდენის ერთ-ერთი მრჩეველი საგარეო პოლიტიკის მიმართულებით, ასევე მისი ცენტრის დირექტორი მაიკლ კარპენტერი Twitter-ზე ეხმაურება.
ეს ნამდვილად სამწუხაროა. ევროკავშირის შუამავლობით მიღებულმა შეთანხმებამ ხელი შეუწყო კანონის უზენაესობას, პოლიტიკური ინკლუზიურობისა და თანაბარი პირობების მხარდაჭერას. სამწუხაროა, რომ მმართველი პარტია მას დაშორდა, - წერს კარპენტერი.
ცნობისთვის, დღეს, 28 ივლისს "ქართული ოცნების" ლიდერმა, ირაკლი კობახიძემ შარლ მიშელის დოკუმენტი ანულირებულად გამოაცხადა. ამით მმართველმა გუნდმა უარი თქვა დოკუმენტში გაწერილ ვალდებულებაზე - არჩევნებში 43%-ის ვერაღების შემთხვევაში, რიგგარეშე არჩევნების დანიშვნაზე. ირაკლი კობახიძემ თქვა, რომ რიგგარეშე არჩევნების დანიშვნა "მათ კეთილ ნებაზე" იქნება დამოკიდებული.
იხილეთ ასევე:
