"ნაციონალური მოძრაობის" წევრი, გირგი კაპანაძე თბილისის მერს ოკუპაციის შესახებ კანონს ახსენებს და მოუწოდებს, შეცვალოს გალაკტიონის ხიდზე არსებული მოაჯირები, რომელზეც საბჭოთა სიმბოლიკებია გამოსახული.
კაპანაძე ამბობს, რომ საჯარო სივრცეებში მსგავსი გამოსახულებების არსებობა იკრძალება და 2008 წლის ომიდან 13 წლისთავზე, ქვეყნის მასშტაბით ჯერ კიდევ არის ადგილები სადაც ნამგალისა და უროს გამოსახულებიანი გრაფიკები და წარწერები გვხდება.
მისი თქმით, კალაძე კანონს არღვევს, როცა ჯერ კიდევ ხიდის მოაჯირზე საბჭოთა სიმბოლოები რჩება.
