ავღანელი ჟურნალისტი Twitter-ზე წერს, რომ თალიბანმა მთავრობის ოფიციალური პირების, პოლიციისა და უსაფრთხოების ძალების ყოფილი წევრების, უცხო ქვეყნის არასამთავრობო ორგანიზაციების წევრების ძებნა, კარდაკარ დაიწყო. მისი ინფორმაციით, ბოლო ერთი საათის განმავლობაში, სულ მცირე, სამი ჟურნალისტის სახლი გაჩხრიკეს.
"ქაბული ახლა სასიკვდილო ხდება",- წერს ავღანელი ჟურნალისტი Twitter-ზე.
15 აგვისტოს, თალიბანი ქაბულში შეიჭრა და პრეზიდენტის სასახლე დაიკავა. მანამდე ავღანეთის პრეზიდენტმა, აშრაფ ღანიმ ქვეყანა დატოვა.
