"ოცნებამ" განიზრახა, ნინოწმინდასა და ახალქალაქში ენმ საერთოდ მოხსნას არჩევნებიდან - ბარამიძე
გამოქვეყნდა:
"ერთიანი ნაციონალური მოძრაობა" ხელისუფლებას კანდიდატებზე ზეწოლაში ადანაშაულებს.
როგორც პარტიის ერთ-ერთმა ლიდერმა, გიორგი ბარამიძემ აღნიშნა, სახელმწიფო უსაფრთხოების სამსახური ახალქალაქში ენმ-ის კანდიდატებს პარტიული სიიდან თავიანთი კანდიდატურების მოხსნას აიძულებს.
"ოცნებამ" ნინოწმინდასა და ახალქალაქში განიზრახა, რომ "ნაციონალური მოძრაობა", ქვეყნის მთავარი პროდასავლური პარტია საერთოდ მოხსნას არჩევნებიდან სუს-ის მიერ დაშინების გზით და ჩვენი კანდიდატების იძულებით, რომ მათ უარი თქვან ჩვენს პარტიაში ყოფნაზე", - თქვა გიორგი ბარამიძემ.
მთავარმა ოპოზიციურმა პარტიამ აღნიშნულთან დაკავშირებით, ეუთო/ოდირის წარმომადგენლობას მიმართა. ორგანიზაციების წარმომადგენლები ინციდენტს უკვე ახალქალაქში სწავლობენ და წინასაარჩევნო გარემოსაც აკვირდებიან.
იხილეთ ასევე:
