ამერიკულმა კომპანია Moderna აცხადებს, რომ კორონავირუსისა და გრიპის საწინააღმდეგო ერთიან ვაქცინაზე მუშაობა დაიწყო. ინფორმაციას Reuters ავრცელებს.
"დღეს ვაცხადებთ, რომ პირველი ნაბიჯი გადავდგით რესპირატორული დაავადების წინააღმდეგ ჩვენი ვაქცინის პროგრამის ფარგლებში. პროგრამის მიზანია შეიქმნას ვაქცინის ერთი დოზა, რომელიც COVID 19-სა და გრიპის წინააღმდეგ გამაძლიერებელ დოზას შეიცავს. გვჯერა, რომ ჩვენ პლატფორმას შეუძლია მსოფლიოს ყველაზე დიდი გამოწვევის დამარცხება",-აცხადებენ კომპანიაში.
