მარნეულში, საპირფარეშოში აღმოაჩინეს დახეული ბიულეტენები, სადაც შემოხაზულია 5 ნომერი - კორძაია
გამოქვეყნდა:
მარნეულში, N56 უბანზე, საპირფარეშოში აღმოაჩინეს უბნიდან გატანილი და დახეული ბიულეტენები, სადაც შემოხაზულია 5 ნომერი - ამის შესახებ ოპოზიციონერმა პოლიტიკოსმა, თამარ კორძაიამ ისაუბრა.
კორძაიას თქმით, ბიულეტენის გატანა დანაშაულია და დაუყონებლივ რეაგირებას მოითხოვენ.
"გლდანი- ხელოვნურად ბიულეტენების გაფუჭების ფაქტები, რაც შესაძლოა, სადავო გახდეს.
ჩუღურეთი - რეგისტრატორი არ უსვამს ბეჭედს, ან აკლებს ხელმოწერას ოპოზიციურად განწყობილი ამომრჩევლის ბიულეტენზე.
დიდუბე - N15 საარჩევნო უბანზე არ იქნა დალუქული ყუთი. ოპოზიცია მიიჩნევს, რომ შედეგები უნდა გაბათილდეს.
ისანი, ვაკე - გადასატან საარჩევნო ყუთის სიაში მყოფმა პირმა ხმა მისცა ძირითადი სიით.
ვაკე - N43 უბანი კომისის წევრი უნდა ყოფილიყო სპეცსიაში, მაგრამ ის გადავიდა გვერდით უბანში და მისცა ხმა. მას შანსი აქვს, მისსავე უბანზეც მისცეს ხმა სპეცსიით.
სენაკი - ერთ-ერთ უბანზე მოსყიდვის ფაქტი და ხელნაწერი დოკუმენტები გამოვლინდა. ვინ რა თანხა აიღო. ოპოზიცია მათს გამოკითხვას მოითხოვს.
ქუთაისი - ერთ-ერთი უბნის ოქმი არჩევნების დასრულებამდეა ხელმოწერილი",- თქვა თამარ კორძაიამ.
იხილეთ ასევე:
