მოძრაობა "საქართველოსთვის" წევრის, გიორგი მუმლაძის ინფორმაციით, პოლიციამ მარნეულში "ერთიანი ნაციონალური მოძრაობის" წევრები დააკავა.
როგორც მუმლაძე Facebook-ზე წერს, დაკავებულები არიან ლაშა და გივი ქველაძეები.
"მარნეულში სრული ტერორია! პოლიციამ დააკავა ნაციონალური მოძრაობის წევრები ლაშა ქველაძე და გივი ქველაძე! ჩაატარეს სპეც-ოპერაცია!", - წერს მუმლაძე.
ჯერჯერობით უცნობია, რა გახდა ოპოზიციური პარტიის წარმომადგენლების დაკავების მიზეზი.
