არასამთავრობო ორგანიზაცია "რეგიონული გაძლიერება დემოკრატიისთვის" წევრის, აკაკი საღინაძის ინფორმაციით, ქუთაისში მოძრაობა "სირცხვილიას" ოფისი დაარბიეს.
მისი თქმით, ოფისიდან აშშ-ის დროშა მოიპარეს, ევროკავშირისა და საქართველოს დროშები კი დააზიანეს.
"არჩევნების შემდეგ დარბეული ქუთაისის "სირცხვილიას" ოფისი. მოპარულია ამერიკის დროშა, მოტეხილი ევროკავშირის დროშა და ჩამოგდებული საქართველოს ეროვნული სიმბოლიკა", - წერს აკაკი საღინაძე.
"სირცხვილიას" ჯერ აღნიშნულზე განცხადება არ გაუკეთებია.
