ურთულესი ვითარებაა, როგორც ამბობენ 20-მდე პირია ნანგრევებში მოყოლილი - კირთაძე ბათუმზე

ბათუმის მერობის კანდიდატი ენმ-დან გიორგი კირთაძე ამბობს, რომ 26 მაისის ქუჩაზე კორპუსის ნანგრევებში დაახლოებით 20-მდე ადამიანია მოყოლილი.

მისივე თქმით, მაშველები მუშაობენ, რომ ადგილი სწრაფად გაიწმინდოს და მათი ამოყვანა მოხერხდეს. ამ თემაზე კირთაძემ გადაცემა "დღის სტუმარში" ისაუბრა.

"ახლაც აქ ვართ, ურთულესი ვითარებაა, საშინელება ხდება, როგორც გვეუბნებიან 20-მდე ადამიანია ნანგრევებში მოყოლილი, მათ შორის ბავშვები, სამაშველო სამსახური მუშაობს. ახლა მნიშვნელოვანია სამაშველო სამსახურის ეფექტური მუშაობა, რათა მოხდეს ნანგრევებში ჩარჩენილების გადარჩენა, ესაა ახლა ყველაზე მნიშვნელოვანი და მთავარი. 

ნაწილი მათგანი კონტაქტზე, მაშველებმა იციან სადაც არის", - თქვა გიორგი კირთაძემ.

კორპუსი ბათუმში, 26 მაისის ქუჩაზე ცოტა ხნის წინ ჩამოინგრა. ადგილზე სამაშველო სამსახურის, საპატრულო პოლიციისა და სასწრაფო სამედიცინო დახმარების ეკიპაჟებია მობილიზებული. გვერდით მდებარე შენობებიდან მოქალაქეების ევაკუაცია მიმდინარეობს. მაშველებმა ამოიყვანეს ნანგრევებში მოყოლილი 2 წლამდე ბავშვი, რომელიც კლინიკაშია გადაყვანილი. 

მაშველებთან კონტაქტზე გამოვიდა ნანგრევებში მოყოლილი რამდენიმე ადამიანი. ისინი ამბობენ, რომ სუნთქვა შეუძლიათ. 

ამავე თემაზე: 

• სავარაუდოდ რაღაცა აფეთქდა, ჯერ ხმა იყო და მერე ჩამოვიდა კორპუსი - თვითმხილველი
• ნგრევა ბათუმში - მაშველებმა მოსახლეობის ევაკუაცია დაიწყეს
• ბათუმში, კორპუსის ჩამონგრევისას ნანგრევებში მოყოლილი მცირეწლოვანი ამოიყვანეს
• წლის და 3 თვის ბავშვი იყო მანქანაში, დედას 20 დღის ჩვილი ხელში ჰყავდა - თვითმხილველი ბათუმიდან