ჩვენთან ერთად მოიპოვეთ თავისუფლება!
ევროპარლამენტარი მარინა კალიურანდი საქართველოს მესამე პრეზიდენტის, მიხეილ სააკაშვილის პატიმრობას კიდევ ერთხელ ეხმაურება. მას მოლოდინი აქვს, რომ ყველაფერი, რაც მესამე პრეზიდენტს ეხება კანონის უზენაესობის ფარგლებში წარიმართება. ევროპარლამენტარი "მთავარმა არხმა" ბრიუსელში ჩაწერა.
"საქართველო დემოკრატიული ქვეყნაა და ჩვენ ველით, რომ ყველაფერი რაც მიხეილ სააკაშვილთან არის დაკავშირებული, წარიმათება კანონის უზენაესობის ფარგლებში. დიახ, ჩვენ ყურადღებით დავაკვირდებით პროცესს, მაგრამ ვიმეორებ, რომ საქართველო დემოკრატიული ქვეყანაა და ველით, რომ ყველაფერი შესაბამისად წარიმართება", - თქვა მარინა კალიურანდმა.
ცნობისთვის, მიხეილ სააკაშვილი ციხეში უკვე მე-15 დღეა შიმშილობს. ამ თემაზე ევროპარლამენტარებმა 14 ოქტომბერს საერთო წერილიც გაავრცელეს, სადაც აღნიშნეს, რომ მიხეილ სააკაშვილის პატიმრობა იქამდე უნდა შეწყდეს, სანამ ის სამართლიანი სასამართლოს წინაშე არ წარსდგება. ამავე თემაზე:
