კონსტანტინოპოლისა და მსოფლიო პატრიარქი ბართლომე პირველი სამედიცინო დაწესებულებაში გადაიყვანეს.
ბერძნული მართლმადიდებლური ეკლესიის ამერიკის ეპარქიის ცნობით, 24 ოქტომბერს, ვაშინგტონის წმინდა სოფიას ტაძარში ღვთისმსახურების დაწყებამდე, მსოფლიო პატრიარქმა თავი შეუძლოდ იგრძნო და მისი ექიმის რჩევით ის საავადმყოფოში გადაიყვანეს. ეპარქია აცხადებს, რომ ამჟამად პატრიარქი თავს კარგად გრძნობს და კლინიკიდან, სავარაუდოდ, 25 ოქტომბერს გაწერენ.
მათივე ცნობით, ბართლომე პირველის შეუძლოდ გახდომის მიზეზი ხანგრძლივი ფრენა და გადატვირთული გრაფიკია.
ცნობისთვის, მსოფლიო პატრიარქი 12-დღიანი ვიზიტით აშშ-ში იმყოფება.
