პირველადი შედეგებით, ფონიჭალის სამივე უბანი კოალიციის გამარჯვებით დასრულდა - ნიკა მელია
გამოქვეყნდა:
თბილისის მერობის საერთო ოპოზიციური კანდიდატის, ნიკა მელიას თქმით, კრწანისის რაიონში, სადაც ხმების დათვლა ელექტრონულ ფორმატში ტარდებოდა, პირველადი ინფორმაციით, კოალიცია იმარჯვებს.
მინდა პირველადი შედეგები მოგაწოდოთ, კრწანისის რაიონში, ფონიჭალის სამივე საარჩევნო უბანი დასრულდა კოალიციის გამარჯვებით. ასეთივე შედეგებით დასრულდება აბსოლუტური უმრავლესობა საარჩევნო უბნებში დათვლილი ხმების შედეგად და ოქმებიც ასე გაფორმდება, უბრალოდ იქ მეტი ბრძოლა გვჭირდება, აქ ელექტრონულ ფორმატში ტარდებოდა და უბრალოდ ამოსარტყმელი იყო ე.წ. ჩეკი - თქვა ნიკა მელიამ.
ნიკა მელია Facebook-ზე ავრცელებს ამ უბნების შედეგებსაც:
- 29-ე უბანი: ნიკა მელია 253, კახა კალაძე 249
- 30-ე უბანი: ნიკა მელია 268, კახა კალაძე 208
- 31-ე უბანი: ნიკა მელია 251, კახა კალაძე 204
კრწანისში უბნების ნახევარი დათვლილია, კალაძე - 57.5%, მელია 42.5% | კობახიძე
ცნობისთვის, "მთავარი არხის" ეგზიტპოლების თანახმად, დედაქალაქში "ქართული ოცნების" კანდიდატმა, კახა კალაძემ 49% მიიღო, ხოლო ნიკა მელიამ 51%.
