ფიზიკურად ძალიან დასუსტებული მეჩვენა... მოთხოვნებში შეუვალია | ელენე ხოშტარია ომბუდსმენის მოადგილემ მოინახულა
გამოქვეყნდა:
"დროას" ლიდერი, ელენე ხოშტარია, რომელიც პარლამენტის შენობაში მეხუთე დღეა შიმშილობს, ომბუდსმენის მოადგილემ მოინახულა. გიორგი ბურჯანაძე ამბობს, რომ ელენე ხოშტარია დასუსტებული ეჩვენა და მნიშვნელოვანია, რომ სამედიცინო ჩარევას დათანხმდეს.
ჩემი შეხედვით, არასამედიცინო ადამიანის შეხედვით, ფიზიკურად ძალიან დასუსტებული მეჩვენა. ის პირიქით ცდილობდა გამხნევებას. ძალიან მკაცრი შიმშილობის ფორმაზეა ეტყობა, მხოლოდ და მხოლოდ წყალს იღებს და თავის მოთხოვნებში არის შეუვალი, - თქვა ბურჯანაძემ.
შეგახსენებთ, უკვე მე-5 დღეა ელენე ხოშტარია საკანონმდებლო ორგანოში შიმშილობს და მიხეილ სააკაშვილის სამოქალაქო კლინიკაში გადაყვანას ითხოვს.
შიმშილობის მე-5 დღეს პოლიტიკოსი შეუძლოდ გახდა და სასწრაფო დახმარება გამოიძახეს.
ამავე თემაზე:
- გთხოვ მეგობარო, ესენი დავასუსტოთ, შენ არ დასუსტდე.. გთხოვ ... - დეკანოიძე ხოშტარიას
- პარლამენტმა გამოიძახა სასწრაფო, მე არ მომითხოვია... ცოტა სისუსტე მაქვს და ხშირად მძინავს - ელენე ხოშტარია
- ელენე ხოშტარია გადასხმასა და მედიკამენტების მიღებაზე უარს ამბობს - პოლიტიკოსი შიმშილობის მე-5 დღეს შეუძლოდ გახდა
