"მომკვდინებელი შტორმი" კანადაში - ვანკუვერში წყალდიდობისა და უამინდობის გამო საავტომობილო გზები და სარკინიგზო მაგისტრალები ჩაიკეტა. ტრანსკანადური მაგისტრალის ნაწილი, რომელიც ვანკუვერს დანარჩენ ქვეყანასთან აკავშირებს დატბორილია.
გზატკეცილზე მეწყერს ერთი ქალის სიცოცხლე ემსხვერპლა. მაშველების თქმით, კიდევ ორი ადამიანი დაკარგულია.
ორშაბათს დაწყებული ქარიშხალის გამო ათასობით მოქალაქე იძულებული გახდა, საკუთარი სახლი დაეტოვებინა. ვერტმფრენით ეკიპაჟები ასევე გაგზავნეს მთიან ქალაქ აგასიზში, რათა 300-მდე ადამიანი, რომელიც გარესამყაროს მოწყდა, გადაერჩინათ.
დასავლეთ პროვინციის ტრანსპორტის მინისტრმა, პრესკონფერენციაზე თქვა, რომ ეს იყო "საუკუნის განმავლობაში ყველაზე საშინელი ქარიშხალი".
