"მიხეილ სააკაშვილს ემოციური და მორალური ომი უკვე მოგებული აქვს... მან გაიარა უმძიმესი განსაწმენდელი" - ნიკა გვარამია

"მიხეილ სააკაშვილს ემოციური და მორალური ომი უკვე მოგებული აქვს... მან გაიარა უმძიმესი განსაწმენდელი... იბრძვის იმისთვის, რომ ივანიშვილი აღარ იყოს ხელისუფლებაში და ქვეყანა გადარჩეს" - განცხადება მიხეილ სააკაშვილის ადვოკატმა, ნიკა გვარამიამ გორის სამხედრო ჰოსპიტალიდან გამოსვლის შემდეგ გააკეთა.

ნიკა გვარამიას თქმით, მიხეილ სააკაშვილის მთავარი ამოცანა ამ ქვეყანაში რეალობის შეცვლა და ბიძინა ივანიშვილის დამარცხებაა.

"ძალიან ცუდი საყურებელია სახის დაკარგვა იმგვარად, რომ ადამიანის წამების შემთხვევაზე კომენტარი გააკეთო, რომ თურმე აქცენტი გადააქვს თავის თავზე, იმით რომ თავს აწამებინებს ბიძინა ივანიშვილს.

როცა მიხეილ სააკაშვილი კონსოლიდაციისთვის, თურმე ის უნდა გამოჩნდეს და უნდა აწამონ და როცა ვიღაც ჩათვლის, რომ საჭირო აღარ არის უნდა გაიწიოს. მიხეილ სააკაშვილი იბრძვის საკუთარი ქვეყნის გადასარჩენად, იმ ხერხებით და გზებით, რომელიც მას დატოვებული აქვს ამ ხელისუფლების მიერ და რომელსაც ძალიან ბევრი ვერაფრით ვერ შევუდგებოდით და ასე ღირსეულად, გამბედავად და სწორად ვერ მოვიქცეოდით. დავუტოვოთ მას საკუთარი არჩევანი, როგორ იბრძოლოს ქვეყნისთვის, და ასევე საკუთარი უფლებების დასაცავად...

სააკაშვილმა პირადი ამოცანა დიდი ხანია შეასრულა, გაიარა ისეთი განსაწმენდელი, ამ ქვეყანაში არავის რომ არ გაუვლია ზვიად გამსახურდიას მერე. დღეს ის ჩემ თვალში გაცილებით მაღლაა, ვიდრე ვარდების რევოლუციის დროს იყო, ემოციური და მორალური ომი მას უკვე მოგებული აქვს. მაგრამ ის აქ ჩამოვიდა იმიტომ, რომ ამ ქვეყანაში  რეალობა შეიცვალოს და ქვეყანა გადარჩეს, ეს ამოცანა, მისი აზრით, ჯერჯერობით მიღწეული არ არის, თუმცა მიაჩნია, რომ შეთანხმებული, მკაფიო და თანმიმდევრული ქმედებების პირობებში ეს შესრულებადია ",-თქვა ნიკა გვარამიამ.

ამავე თემაზე:

• მას უსამართლო სასამართლოს უფლებაც კი წართმეული აქვს - ნიკა გვარამია მიხეილ სააკაშვილის პროცესებზე;
• "მიხეილ სააკაშვილი მასთან "ემპათიას" ექსპერტების დაუყოვნებლივ შესვლას მოითხოვს" | ნიკა გვარამიამ გორის ჰოსპიტალი დატოვა