პრემიერმინისტრ ღარიბაშვილის განცხადებით, წლის ბოლოს ორნიშნა ეკონომიკური ზრდა გვექნება, რამაც მთავრობას საშუალება მისცა დამტკიცებულ ვარიანტთან შედარებით ბიუჯეტი 1 მილიარდ 310 მილიონი ლარით გაეზარდათ.
ღარიბაშვილმა მთავრობის სხდომაზე ჩამოთვალა როგორი იქნება 2022 წელს სამინისტროების დაფინანსება და რომელ უწყებას რამდენით ეზრდება ბიუჯეტი:
- ფინანსთა სამინისტროს დაფინანსება დაახლოებით 16 000 000 ლარით გაეზარდა - ის 105 404 800 ლარს შეადგენს;
- ეკონომიკის სამინისტროს დაფინანსება 290 000 000 ლარით გაეზრდება - შეადგენს 932 000 000 ლარს;
- რეგიონული განვითარების და ინფრასტრუქტურის სამინისტროს ბიუჯეტი გაზრდილია 430 000 000 მილიონ ლარზე მეტით - შეადგენს 2,8 მილიარდ ლარს;
- იუსიტიციის სამინისტროს ბიუჯეტი გაზრდილია 14 000 000 ლარით - შეადგენს 310 568 400 ლარს;
- საგარეო საქმეთა სამინისტროს დაფინანსება თითქმის 6 000 000-ით იზრდება - შეადგენს 176 000 000 ლარს;
- თავდაცვის სამინისტროს ბიუჯეტი გაზრდილია 72 000 000 ლარით - შეადგენს 1 მილიარდ ლარს;
- შინაგან საქმეთა სამინისტროს ბიუჯეტი 85 000 000 ლარით იზრდება - შეადგენს 865 000 000 ლარს;
- ჯანდაცვის სამინისტროს დაფინანსება 6 მილიარდ ლარზე მეტი იქნება;
- შერიგებისა და სამოქალაქო თანასწორობის საკითხებში სახელმწიფო მინისტრის აპარატის ფინანსები ნახევარი მილიონით იზრდება - შეადგენს 3 000 000 ლარს;
- გარემოს დაცვის და სოფლის მეურნეობის სამინისტროს დაფინანსება 593 000 000 ლარი იქნება;
- განათლებისა და მეცნიერების სამინისტროს ბიუჯეტი - 1 684 000 000 ლარი იქნება;
- კულტურის, სპორტისა და ახალგაზრდობის სამინისტროს ფინანსები კი - 357 000 000 ლარი იქნება.
ღარიბაშვილმა მთავრობის სხდომაზე ასევე თქვა, რომ 2022 წელს 6%-იანი ეკონომიკური ზრდა აქვთ დაგეგმილი და ქვეყნის ეკონომიკის მთლიანი მოცულობა მომდევნო წელს 65 მილიარდი ლარი იქნება.
ამავე თემაზე:
