ოზურგეთის რაიონულმა სასამართლოს მოსამართლემ, თორნიკე კაპანაძემ ენმ-ს წევრს, დავით მჟავანაძეს სიტყვიერი შენიშვნა მისცა, ხოლო 166 -ე მუხლით საქმის წარმოება შეწყვიტა.
მჟავანაძეს პოლიციის კანონიერი მოთხოვნის დაუმორჩილებლობას, პოლიციელებისთვის შეურაცხყოფის მიყენებასა და ხულიგნობას ედავებოდნენ.
მჟავანაძე 3 დეკემბერს, ოზურგეთის საკრებულოში მომხდარი დაპირისპირებისას დააკავეს. ახალი მოწვევის საკრებულოს პირველ სხდომაზე ხმაური და დაპირისპირება იყო.
ვითარება მას შემდეგ დაიძაბა, რაც ენმ-ს დეპუტატმა გოჩა შარაშენიძემ ადგილობრივი თვითმმართველობის არჩევნების შედეგები და მიხეილ სააკაშვილის პატიმრობა გააპროტესტა.
მჟავანაძის გარდა, პოლიციელებმა სხდომიდან ნაციონალური მოძრაობის კიდევ რამდენიმე დეპუტატი გაიყვანეს ძალის გამოყენებით. ერთ-ერთი მათგანის, შალვა თავდიშვილის ცემის ფაქტზე კი სახელმწიფო ინსპექტორის სამსახურს გამოძიებაც აქვს დაწყებული.
ავტორი: ვლადიმერ მენაბდე
