ამერიკის პრეზიდენტი ჯო ბაიდენი და რუსეთის პრეზიდენტი ვლადიმერ პუტინი დღეს, 7 დეკემბერს ვიდეო ფორმატში გამართავენ შეხვედრას. თეთრი სახლის პრესმდივნის, ჯენ ფსაკის თქმით, ბაიდენი ხაზს გაუსვამს აშშ-ს შეშფოთებას რუსეთის სამხედრო მოქმედებების მიმართ უკრაინის საზღვარზე და კიდევ ერთხელ დაადასტურებს მხარდაჭერას უკრაინის სუვერენიტეტისა და ტერიტორიული მთლიანობის მიმართ.
გარდა ამისა, შეხვედრაზე განიხილავენ ამერიკა-რუსეთის ურთიერთობების რიგ საკითხებს, მათ შორის სტრატეგიულ სტაბილურობას, კიბერ და რეგიონალურ თემებს.
"მაგრამ, რა თქმა უნდა, შეგიძლიათ ველოდოთ, რომ - ჩვენი შეშფოთება საზღვარზე სამხედრო მოქმედებების შესახებ განხილვის მთავარი ნაწილი იქნება", - განაცხადა პრესმდივანმა.
მისივე განცხადებით, დიპლომატია სწორი გზაა, თუმცა თუ პუტინი სამხედრო მოქმედებებში "წინ სვლას" გააგრძელებს, მაშინ აშშ პარტნიორებთან მთელ რიგ ეკონომიკურ სანქციებსა და ნაბიჯებს განიხილავს, რომელსაც რუსეთის წინააღმდეგ გადადგამენ.
