აზერბაიჯანში, უმცროსმა სერჟანტმა გუბადლის სასაზღვრო სამმართველოში სამსახურებრივი იარაღიდან კოლეგებს ცეცხლი გაუხსნა. სროლის შედეგად 3 სამხედრო დაიღუპა. ამის შესახებ ინფორმაციას "ეხო კავკაზა" აზერბაიჯანის სასაზღვრო სამსახურზე დაყრდნობით ავრცელებს.
შემთხვევა 2 იანვარს მოხდა, სერჟანტმა იარაღი ადგილზე დატოვა და მიიმალა.
გამოცემის ცნობით, მოკლეს უფროსი ლეიტენანტი იუსიფ ისმაილოვი, უმცროსი სერჟანტი ამილ ჯალილზადე და უმცროსი სერჟანტი რაფაილ იბრაგიმოვი.
გენერალური პროკურატურის ცნობით, უმცროსი სერჟანტი ელჰან ავაზლი, რომელმაც კოლეგებს ესროლა, 3 იანვრის ღამეს ლაჩინის რაიონის სოფელ მალხალაფში დააკავეს.
