"სატელეფონო ინტერვიუს არ გაძლევთ" - დემურიშვილი არ ამბობს, მოინახულა თუ არა მიხეილ სააკაშვილი ნევროლოგმა
გამოქვეყნდა:
10 დღეზე მეტია, მიხეილ სააკაშვილთან პირად ექიმსა და ალტერნატიული კონსილიუმის წევრებს არ უშვებენ. გავრცელებული ინფორმაციით, ერთადერთი ექიმი, რომელმაც მესამე პრეზიდენტის ჯანმრთელობის მდგომარეობა შეაფასა კლინიკა "ვივამედის" ნევროლოგია. მან მიხეილ სააკაშვილი გუშინ მოინახულა და აღნიშნა, რომ მისი მდგომარეობა კვლავ საყურადღებოდ რჩება.
პენიტენციური სისტემის სამედიცინო დეპარტამენტის უფროსი "მთავარ არხთან" სატელეფონო კომენტარს არ აკეთებს, ის ფაქტს არც ადასტურებს არც უარყოფს.
"წერილობით მოგვმართეთ და პასუხს მიიღებთ, სატელეფონო ინტერვიუებს, რამდენჯერმე გითხარით, რომ არ გაძლევთ, მოიწერეთ, ჩვენ ავიღებთ თანხმობას პაციენტისგან და გაიცემა ის ინფორმაცია, რასაც იტყვის პაციენტი", - თქვა თამთა დემურიშვილმა.
რაც შეეხება "ვივამედის" ექიმს, ზურა ჩხაიძეს, ის ამბობს, რომ პაციენტზე ინფორმაციის მოსაპოვებლად პენიტენციურ სისტემას უნდა მივმართოთ - "მე ვერაფერს ვერ დავადასტურებ, კიდევ ვიმეორებ, ნებისმიერი სახის ინფორმაცია თქვენ შეგიძლიათ მიიღოთ თუ მიმართავთ პენიტენციურ სისტემას".
მიხეილ სააკაშვილის ჯანმრთელობის მდგომარეობის შესახებ ამ დრომდე არაფერია ცნობილი.
ამავე თემაზე:
- მიხეილ სააკაშვილთან დღემდე უკანონოდ არ უშვებენ მკურნალ ექიმს, ეს მისი ფუნდამენტური უფლებების დარღვევაა - ადვოკატი
- "პაციენტის უფლებების გაუგონარი დარღვევაა" - მიხეილ სააკაშვილთან ექიმებს ისევ არ უშვებენ;
- დარწმუნებული ვარ, უკრაინის პროკურატურა მიხეილ სააკაშვილის საქმეზე სისხლის სამართლის რამდენიმე გამოძიებას დაიწყებს - ადვოკატი
