ჩეჩნეთის ლიდერის, რამზან კადიროვის თქმით, ის რომ რუსეთის პრეზიდენტის ადგილას იყოს "უკრაინას დიდი ხნის წინ აიღებდა, იქ ჯარს გაგზავნიდა და საქმეს მოაწესრიგებდა".
ამ თემაზე მან Instagram-ის პირდაპირ ეთერში, ჩეჩნეთის პარლამენტის თავმჯდომარესთან ილაპარაკა.
"ახლა გამოიგონეს უკრაინა. და რა რუსეთმა გზა უნდა დაუთმოს დასავლეთის ქვეყნებს, რომლებიც უკრაინასა და ამერიკას შორის 9 ათასი კილომეტრის მანძილზეა? ამერიკა იცავს უკრაინის ინტერესებს, ხოლო უკრაინისთვის უახლოესი მეზობელი რუსეთია, ესენი არიან სლავური ხალხები", - განაცხადა კადიროვმა.
კადიროვის აზრით, ამერიკას არაფერი კარგი არ სურს უკრაინისთვის და ის მხოლოდ რუსეთის საზღვართან ახალი ბაზის შესაქმნელად სჭირდება.
