რატომ გაჩერდა ბაკურიანის საბაგირო | ეკონომიკის სამინისტრომ საკითხის შესწავლა შიდა აუდიტს დაავალა

რამ გამოიწვია ბაკურიანის საბაგიროს გაჩერება - ეკონომიკის სამინისტრომ საკითხის შესწავლა შიდა აუდიტს დაავალა. განცხადება უწყებამ ცოტა ხნის წინ გაავრცელა:

2022 წლის 6 თებერვალს მიტარბის საბაგირო ავარიულად გამოირთო და დამსვენებლების ევაკუაცია გახდა საჭირო. საქართველოს მთის კურორტების განვითარების კომპანია ბოდიშს უხდის ყველა დამსვენებელს ავარიის შედეგად შექმნილი დისკომფორტისთვის.

ავარიის მიზეზების შესასწავლად, საქართველოს ეკონომიკისა და მდგრადი განვითარების მინისტრის უშუალო დავალებით, „მთის კურორტების განვითარების კომპანიაში“ სამინისტროს შიდა აუდიტის სამსახური ინსპექციას განახორციელებს.

შიდა აუდიტის სამსახურს დაევალა, უმოკლეს ვადებში შეისწავლოს ავარიის გამომწვევი მიზეზები და შესაძლო გადაცდომის გამოვლენის შემთხვევაში მოხდება მკაცრი რეაგირება.

ინსპექტირების შედეგების შესახებ, საზოგადოება დროულად იქნება ინფორმირებული.

"მთის კურორტების განვითარების კომპანიას" საქართველოს 4 მთავარ სამთო-სათხილამურო კურორტზე, მათ შორის, ბაკურიანში საბაგიროები სამართავად აქვს გადაცემული, - წერს ეკონომიკის სამინისტრო.

იხილეთ ასევე:

რატომ გაჩერდა ბაკურიანის საბაგირო | ეკონომიკის სამინისტრომ საკითხის შესწავლა შიდა აუდიტს დაავალა

საზოგადოება

იხილეთ ჩვენს ეთერში

დღის მთავარი