"რას ნიშნავს ც?... მე არ ვარ - ც" - ჟურნალისტის შეკითხვით გაღიზიანებული წულუკიანი
გამოქვეყნდა:
კულტურის მინისტრის გაღიზიანება ჟურნალისტის კითხვამ გამოიწვია - თქვენც ეთანხმებით თუ არა ღარიბაშვილს? - ასეთი იყო შეკითხვის შინაარსი.
საუბარია უკრაინასთან დაკავშირებით დღეს პრემიერმინისტრის გაკეთებულ განცხადებებზე
"რაღაცა ძალიან ცუდადა ახსენებთ ამ ც-ს. რას ნიშნავს ც? მე ვარ ამ მთავრობის წევრი, ამ პრემიერმინისტრის მიერ დანიშნული ამ მთავრობაში, ვიცეპრემიერი და რა თქმა უნდა მე არ ვარ ც. მე ზუსტად იმას ვფიქრობ, რასაც აჟღერებს საქართველოს პერმიერმინისტრი" განაცხადა თეა წულუკიანმა მთავრობის სხდომის შემდეგ გამართულ ბრიფინგზე.
ირაკლი ღარიბაშვილის დღევანდელი განცხადებები უკრაინაში, რუსულ აგრესიაზე:
- სააკაშვილი ხელისუფლებაში რომ იყოს, ომი ჯერ თბილისში დაიწყებოდა, შემდეგ კიევში;
- როცა ჩვენი გმირები იღუპებოდნენ ბრძოლის ველზე, სააკაშვილი ხუმრობის ხასიათზე იყო;
- მაშინ, როცა ხალხი იღუპება, აქ მართავენ კონცერტებს და ჟრიამული აქვთ ატეხილი;
- კიევი იბომბება, ამის შემჩერებელი არავინაა, სანქციები არ არის ეფექტური საშუალება;
- რადიკალურ ოპოზიციას უკრაინაში ომი უხარია, მათი მიზანია 2008 წლის უბედურება განმეორდეს - ღარიბაშვილი
